Álver á Bakka

Nýlega kom það fram í fréttum að fjármálaráðherra teldi að það væri minnkandi líkur á álveri á Bakka. Málið hefur verið í fréttum í ljósi þess að nú styttist í að viljayfirlýsing Alcoa, Norðurþings og ríkisins renni út. Vandamálið undanfarið ár hefur verið að það hefur ríkt fjármálakreppa bæði hér og erlendis. Afleiðing hennar hefur verið samdráttur og stórlega minnkaðar fjárfestingar. Auðvitað sjá allir að ekki verður fjárfest í nýjum verksmiðjum fyrr en ljóst er að helstu hagkerfi eru að rétta úr kútnum. Í augnablikinu er enginn biðlisti yfir fyrirtæki sem vilja kaupa orku og hefja framkvæmdir á Íslandi. Það gæti hinsvegar breyst fljótt ef menn verða þess fullvissir að kreppan sé á enda. Fullyrt er að mun hagkvæmar sé að byggja ný álver heldur en að gangsetja aftur þau gömlu álver sem tekin hafa verið úr umferð. Þannig að líkur á álveri Alcoa á Bakka eru jafn góðar og þær voru að kreppunni frátalinni. Talið er að líklegt að rétti tíminn til að koma inn með nýtt álver í framleiðslu verði árið 2014 sem þýðir að taka verður ákvörðun um byggingu þess á næsta ári.

Hinsvegar hjálpar það ekki málinu að stjórnvöld lýsa ekki yfir afdráttarlausum stuðningi við verkefnið. Það er mjög slítandi fyrir heimamenn sem hafa lagt um milljarð í fé og ábyrgðum í undirbúning verkefnisins að sitja sífellt undir kröfum um að gera eitthvað annað. Sérstaklega þegar þau verkefni hafa mörg hver reynst loftið eitt. Fyrir Þingeyjarsýslur er uppbygging álvers örugg leið til að setja varanlegt hryggbein í atvinnulíf héraðsins. En auðvitað er meginmarkmiðið að orkan verði nýtt í héraðinu til atvinnusköpunar, frá því markmiði verður ekki vikið.

Athugasemdir

[Sigurjón Benediktsson, 21.8.2009 kl. 08:53]

Allt satt og rétt og mætti berast víðar

baráttukveðjur

[Haraldur Aðalbjörn Haraldsson (IP-tala skráð) 21.8.2009 kl. 09:56]

sæll.

Mikil og löng var þrautarganga Austfirðinga fyrir álveri á Reyðarfirði. Slæmt þykir mér hlutskipti fyrrum sveitunga minna að vera nú í þeirra sporum. Hef ég stundum velt því fyrir mér hvort Þingeyingar hafi ekki einblínt um of á álver sem hinn eina möguleika í atvinnusköpun í stað þess að horfa á fleiri möguleika í atvinnuuppbyggingu sem nýtir orku úr héraði.

[Rauða Ljónið, 21.8.2009 kl. 11:20]

Sæll. Jón mörg af þeim álverum sem hafa verið tekin úr sambandi verða ekki gangsett á ný 3 til 5 álvar í Usa og Kanada og eitt í Uk og svo nokkur í Evrópu allt eru þetta gömul álver með litla framleiðslu getu, nú stendur yfir endur skipulagning hjá álfyrirtækjum þær upplýsingar sem þar er að finna að að næstu árum eða frá árinu 2010 til 2011 verði farið af stað með framkvæmdir í nýjum álverum í Evrópu og þá leitað að staðsetningu.

Kv. Sigurjón Vigfússon

[Héðinn Björnsson, 21.8.2009 kl. 12:24]

Það væri efnahagslegt glapræði að auka vægi álverðs í efnahagslífi þjóðarinnar enn frekar en þegar er orðið. Ef á að heita einhver efnahagsstjórnun á landinu verður að beina orkunni sem en er óbeisluð í aðra farvegi en stóriðju til að minnka hagsveiflur landsins með álverði. Að stjórnvöld hafi ekki haft dug í að segja þetta hreint út er hinsvegar sorglegt og seinkar þeirri stefnubreitingu sem nauðsynleg er.

[Elias Bjarnason (IP-tala skráð) 21.8.2009 kl. 13:07]

Það er sorglegt að hugsa til þess að sá flokkur sem hefur verið helsti dragbítur á uppbyggingu orkufreks iðnaðar á NA-landi sé flokkur núverandi fjármálaráðherra sem kom sá og sigraði í sínu kjördæmi, þ.e. NA kjördæmi, í síðustu kosningum!

Það breytir hinsvegar ekki því að meirihluti íbúa í kjördæminu er fylgjandi álveri á Bakka sem og uppbyggingu á öðrum orkufrekum iðnaði í kjördæminu einsog álþynnuverksmiðju í Krossanesi.  Ég óttast það að á meðan þessi vinstri stjórnarómynd er við völd verði algjör stöðnun í uppbyggingu orkufreks iðnaðar. ,,Besser visserar'' vinstri elítunnar segja okkur hvað okkur sé fyrir bestu og eftir því eigum við að haga okkur, samanber grein Sigurjóns Ben. í Mbl. á dögunum. En þar gerði Sigurjón grein fyrir afstöðu elítunnar til framkvæmda á landsbyggðinni ,,versus'' SV horninu og gaf okkur skemmtilegt dæmi um Gunnuhver í Krísuvík og Gunnustein við Gjástykki.

Hvort menn hafi einblínt um of á álver í stað einhvers annars skal ég ekki segja, en hinsvegar virðist mest eftirspurn eftir orku koma frá álfyrirtækjum og gagnaverum.

Hér í den voru nú til stórhugamenn á Húsavík einsog Arnljótur sem talaði fyrir því að byggja yfir Húsavík heljarstórt gróðurhús og gera ilrækt að undirstöðuatvinnugrein Húsvíkinga. Mig minnir að Arnljótur hafi einnig nefnt pappírsverksmiðju til sögunnar þegar rætt var um atvinnuuppbyggingu á svæðinu. 

Orð eru til alls fyrst og ef Halli Har. hefur í huga eitthvað annað en álver, nú þá bara um að gera að nefna hvað það ætti að vera!

[Rauða Ljónið, 21.8.2009 kl. 13:14]

Þetta er  rangt hjá þér Héðinn ein af fáum iðnfartækjum í heiminum í sem skila hagnaði eru álfyrirtæki áliðnaður skilað þjóðar búinu um 80 milljarðar í beinar þjóðar gjaldeyristekjur á ári velta áliðnaðra á Íslandi losar um 200 milljarða á ári og vegur orðið þyngra en sjávarútvegur, eitthvað anna skilar engu og hefur ekki gert síðan 1969 þegar kommar bentu fyrst á það fyrirtæki og þú nú.

[Haraldur Aðalbjörn Haraldsson (IP-tala skráð) 25.8.2009 kl. 14:49]

Elías!. Ég hef ekki heyrt þingeyinga tala um t.d. gagnaver, sem er í umræðunni sem áhugaverður kostur í atvinnuuppbyggingu. Annars held ég að sterkur leikur væri að leita hófanna um samstarf við Norðmenn um að reisa olíuhreinsunarstöð á Bakka og þegar Drekinn kemur í gagnið þá eru Þingeyingar klárir með að fara að hreinsa hrháolíu á fullu.