Góð tillaga sem vert er að skoða

Tillaga Tryggva um 20% afskrift á skuldum heimila og fyrirtækja er allra athygli verð. Gríðarleg viðskipti voru með fasteignir á síðustu fimm árum en því miður voru flest þessi viðskipti á of háu verði, langt umfram kostnaðarverð eignanna. Afleiðingin nú í lækkandi fasteignaverði er að þúsundir fjölskylda eru með neikvæða eignarstöðu. Það í sjálfum sér er efnahagsvandamál sem nauðsynlegt er að leysa.

Sama má segja um flest fyrirtæki en þau eru tæknilega gjaldþrota. Þótt ljóst sé að mörg fyrirtæki séu það skuldsett að þau þurfi að fara í gegnum sama feril og Morgunblaðið þ.e. að þeim komi nýir eigendur þá er tæplega viturlegt að svo fari fyrir flestum fyrirtækjum í landinu. Þannig að ef 20% afskrift myndi hjálpa stórum hluta fyrirtækja yfir erfiðasta hjallann þá væri það ómetanlegt skref í endurreisn efnahagslífsins.

Að verja þeirri afskrift sem fengist hefur á lánasafna bankanna á þennan hátt virðist við fyrstu sýn bæði vera sanngjarnt og nauðsynlegt. Fljótt á litið virðist það einnig tryggja best sem mest skil til kröfuhafanna.

Tryggvi Þór: 20% af skuldum heimilanna verði felldar niður

Athugasemdir

[Brjálaða Bína (IP-tala skráð) 17.3.2009 kl. 00:10]

Er réttlæti í að fella niður skuldir eingöngu hjá þeim sem eiga fasteign, ég er ekki skráður fasteignaeigandi en á hlut í fasteign en á ég þá ekki rétt á að láta fella niður 20% af mínum skuldum þrátt fyrir að það hljóði ekki uppá margar millur. Ég missti vinnuna og er því að borga til samfélagsins mitt í þessu hruni en flestir sem ég þekki eiga fasteign og skulda örugglega mis mikið í henni en eru enn með vinnu og geta því haldið áfram að geriða. ég er að lenda í vandræðum af því að ég er búinn að tapa 50% af launum en af því að ég er ekki fasteignareigandi á ég þá ekki sömu réttindi og hinir. ég er ekki tilbúinn að láta það litla sem ég fæ í að hjálpa þeim sem enn hafa vinnu og geta borgað nema að jafnt gangi yfir alla hvort sem þeir eru fasteignaeigendur eður ei. Ég er viss um að þetta sama fólk er ekki tilbúið að hjálpa þeim sem missa vinnuna og þurfa að draga fram lífið á bótum hafa skerf af sinni köku af hverju ætti ég að láta þá hafa mína.

[Albert Guðmann Jónsson, 22.3.2009 kl. 21:14]

Bendi á það að í raun er ekki verið að láta út neina peninga með því að afskrifa 20% yfir línuna heldur er í raun verið að reyna að spara þá. Þar sem kostnaður við hvert gjaldþrot er svo mikið. Það fæst lítið til baka úr þeim gjaldþrotum sem verða og því er nauðsynlegt að afskrifa til að reyna að fá fólk frekar til að borga af lánum sínum. Með því að afskrifa 20% á línuna ertu hugsanlega að forða fjölda heimila frá gjaldþroti og spara þannig heilmikla afskrift þar. Þann sparnað er þá hægt að nýta á hina aðilana sem hefðu ekki farið í gjaldþrot og heildarniðurstaðan á að vera betri.  Skrifa nánar um þetta á blogginu mínu.

kv

Albert