Dondi á Laxamýri

5.10.2009 | 23:42

16 milljarðar í auðlindaskatta

Hugmyndir stjórnvalda um 16 milljarða í auðlindaskatt vekja furðu. Sérstaklega það að ekki fylgir þessari nýju skattlagningu skýringar á því hvar hún kemur niður. Þetta eru eiginlega óskiljanlegar fyrirætlanir. Ekki gengur að koma aftan að fyrirtækjum á þennan hátt. Enginn fjárfestir í nýjum verkefnum ef þeir eiga von á því að lagðar verði óvænt á þau fyrirtæki skattur er geri mögulegan hagnað upptækan.

Ég hélt reyndar að slíkar hugmyndir kæmu einungis fram í löndum eins og Venezuela undir leiðsögn Hugo Chavez. Satt besta segja hafði ég ekki hugmyndaflug til að ímynda mér að slíkar tillögur kæmu frá íslenskum stjórnvöldum. Enn óskiljanlegra er það að annars ágætum iðnaðarráðherra hafi ekki verið kunnugt um fyrirætlanir þessar. Klárt er að vinnubrögð sem þessi byggja ekki upp traust og auðvelda uppbyggingu efnahagslífsins.

Flokkur: Bloggar | Breytt s.d. kl. 23:51 | Facebook

Athugasemdir

Hver var fyrirmynd ráðamanna hér þegar leyft var að að veðsetja kvóta? Var það kannski Jeltsín? "Dagar víns og rósa"

Sigurður Þórðarson, 6.10.2009 kl. 03:58

Það var verið að boða skattlagningu á auðlindir, sem er sanngjarnt og eðlilegt, ekki síst við þær aðstæður sem eru ríkjandi í dag. Það á hinsvegar eftir að definera þann skattstofn. Því ættu menn að bíða með stórar yfirlýsingar að sinni. Enginn er að tala um gera allan hagnað fyrirtækja upptækan, en nú eru flestir sjóðir til þurrðar gengnir og vonandi ertu það vel upplýstur að þú þekkir orsakir þess. Þetta hefur ekkert með Hugo að gera, fremur með Davíð Oddsson og vinnubrögð hans og Flokksins.

Haukur Kristinsson (IP-tala skráð) 6.10.2009 kl. 18:00