Icesave og ESB

Vonandi koma menn sér saman um fullnægjandi fyrirvara við Icesave frumvarpið fyrst menn treysta sér ekki til að fella samninginn. Samningurinn lyktar mjög af því að hann hafi þurft að klára til þess að hægt væri að senda umsókn um inngöngu í ESB nógu tímanlega. Hörmulegt er þegar það er svo augljóst að hagsmunum íslendinga sé ekki haldið fram af hörku vegna löngunar til inngöngu í ESB. Það kemur auðvitað ekki á óvart að Samfylkingin gangi svona langt til að koma þjóðinni í ESB en því undarlegra að VG láti teyma sig þessa leið. Þetta verklag er mikill bjarnargreiði við þá sem vilja í alvöru láta skoða möguleika á inngöngu. Ekki er líklegt að íslendingar gangi í ESB undir fjárhagslegum þvingunum.

Icesave

Icesave samningurinn er prófstein á það hvort núverandi stjórn valdi verkefni sínu. Því meira sem fjallað er um samninginn því augljósari eru gallar hans. Virðist vera sem megin markmið viðræðnanna hafi verið að fá greiðslufrest frekar en að semja um góð kjör eða halda hagsmunum Íslendinga til streitu.

Því miður læðist að manni sá grunur að löngun Samfylkingarinnar til inngöngu í ESB hefur tekið úr þeim allar tennurnar í samningum um Icesave. Því fleiri steinum sem velt er í þessu máli því augljósara er að samningurinn gengur gegn hagsmunum íslendinga og honum ber að hafna.

Ekki álver á Bakka, ekki bora á Drekasvæðinu

  

Núverandi ríkisstjórnarflokkar láta okkur norðlendinga fá það óþvegið í dag. Rétt áðan var það dregið upp úr mínum gamla læriföður Össurri að hann styðji ekki byggingu álvers á Bakka eru þessi svör í samræmi við svör forsætisráðherra um sama efni. Gott var nú að fá þetta á hreint fyrir kosningar. Ofurlítið er þó undarlegt að ég hef fyrir framan mig auglýsingu frá Samfylkingunni í Skránni á Húsavík með mynd af Kristjáni Möller fyrir framan líkan að nýrri stórskipahöfn á Húsavík. Allir vita að hún er hönnuð til að taka á móti stórum súrálsskipum, þar hrósar ráðherrann sér af því að hönnun hennar hafi verið lokið með 100 milljóna fjárframlagi samgönguráðherra. Hvorki meira né minna, vel launaðir þessir ráðherrar.

Við norðlendingar erum auðvitað að upplifa það að unnið hefur verið að því í nokkurn tíma að hálfu Samfylkingarinnar að ýta verkefninu á Bakka út af borðinu, fyrst með því að setja verkefninu margfalt harðari umhverfiskröfur með útskurði um sameiginlegt mat á umhverfisáhrifum álvers á Bakka. Og nú með yfirlýsingu iðnaðarráðherra um að hann vilji helst ekki að álver rísi á Bakka sú yfirlýsing leggur enn frekari steina í götu verkefnisins. Ekki finnst mér líklegt að erlendir fjárfestar fjárfesti hér í andstöðu við stjórnvöld.

 Þá er fréttin um að umhverfisráðherra hafi efasemdir um að olíuleit á Drekasvæðinu samrýmist stefnu vinstri grænna athyglisverð. Ekki er annað að sjá en þetta stóra hagsmunamál okkar norðlendinga sé einnig í uppnámi.

 Við norðlendingar viljum gjarnan hjálpa þjóðinni út úr kreppunni og getum það. Við hljótum hinsvegar að gera þá kröfu til stjórnvalda að okkar tækifæri til atvinnusköpunar hljóti sömu meðferð og tækifæri annarra landshluta. Hvað varðar verkefnin á Bakka og Helguvík þá er í mínum huga meðferðin á verkefninu á Bakka skýrt brot á jafnræðisreglu. Gott er fyrir okkur norðlendinga að hafa það í huga þegar við göngum að kjörborðinu á laugardaginn.

Leiðin úr kreppunni

Vert er að veita þessum tillögum Sjálfstæðisflokksins athygli, sérstaklega því að leiðin út úr vandanum  er að breikka skattstofnana frekar en að hækka skatta. Er nýkomin frá Bandaríkjunum þar sem menn hafa verið að lækka skatta til þess að komast út úr kreppunni. Tilgangurinn er að hvetja almenning til eyðslu. Það knýr áfram hagkerfið veitir vinnu og veltu í samfélaginu sem aftur skilar tekjum til ríkisins.

Megin verkefnið er að fá atvinnulífið aftur í gang. Við íbúar í Norðurþingi erum meira en tilbúin til að koma að því verkefni. Um leið og kreppan fer að láta undan skapast tækifæri til að keyra á uppbyggingu á álveri á Bakka. Nýlega var lokið líkanaprófunum á uppbyggingu stórskipahafnar á Húsavík. Þá er unnið að umhverfismati fyrir bæði álver og virkjanir sem verður lokið á árinu. Orkurannsóknir benda til að meira en næga orku sé að finna fyrir verkefnið á háhitasvæðum í Þingeyjarsýslum.

Stuðningur Sjálfstæðisflokksins við byggingu álvers á Bakka hefur alltaf verið afgerandi. Meira en sagt verður um núverandi stjórnarflokka. Vinstri grænir hafa ítrekað lýst því yfir að þeir styðji ekki verkefnið jafnvel við það atvinnuástand sem er í dag. Ég hvet íbúa Norðurlands til að styðja Sjálfstæðisflokkinn til að hjálpa okkur að láta þetta verkefni verða að veruleika. Við Þingeyingar viljum nýta orkuauðlindir okkar á heimavelli og þurfum ykkar stuðning til þess.

Efling atvinnulífs gegn fjármálakreppu

Góð tillaga sem vert er að skoða

Tillaga Tryggva um 20% afskrift á skuldum heimila og fyrirtækja er allra athygli verð. Gríðarleg viðskipti voru með fasteignir á síðustu fimm árum en því miður voru flest þessi viðskipti á of háu verði, langt umfram kostnaðarverð eignanna. Afleiðingin nú í lækkandi fasteignaverði er að þúsundir fjölskylda eru með neikvæða eignarstöðu. Það í sjálfum sér er efnahagsvandamál sem nauðsynlegt er að leysa.

Sama má segja um flest fyrirtæki en þau eru tæknilega gjaldþrota. Þótt ljóst sé að mörg fyrirtæki séu það skuldsett að þau þurfi að fara í gegnum sama feril og Morgunblaðið þ.e. að þeim komi nýir eigendur þá er tæplega viturlegt að svo fari fyrir flestum fyrirtækjum í landinu. Þannig að ef 20% afskrift myndi hjálpa stórum hluta fyrirtækja yfir erfiðasta hjallann þá væri það ómetanlegt skref í endurreisn efnahagslífsins.

Að verja þeirri afskrift sem fengist hefur á lánasafna bankanna á þennan hátt virðist við fyrstu sýn bæði vera sanngjarnt og nauðsynlegt. Fljótt á litið virðist það einnig tryggja best sem mest skil til kröfuhafanna.

Tryggvi Þór: 20% af skuldum heimilanna verði felldar niður

Látum kröfuhafana taka bankana

Eftir því sem lengri tími líður þangað til tekið er á málum bankanna því lélegra verður lánasafnið. Best væri ef kröfuhafarnir breyttu kröfum í hlutafé og eignuðust nýju bankanna þannig með húð og hári. Þá skiptir ekki megin máli hvort lán væru í gamla bankanum eða þeim nýja.

Vilji kröfuhafarnir ekki reka bankanna er grundvallaratriði að lánasafnið verði fært nægjanlega niður til þess að ríkið fái fullnægjandi tryggingu fyrir að endurgreiðslu þess fjár sem það leggur þeim til. Engin einkaaðili myndi leggja bönkunum til fé í dag nema ávöxtunarvonin væri veruleg sérstaklega ekki núna þegar fjármagn liggur ekki á lausu. Þannig að kostirnir eru skýrir annaðhvort taka kröfuhafarnir við bönkunum eða lánasafnið verður metið það mikið niður að áhætta ríkisins verði mjög lítil.  Skattgreiðendur eiga skýra kröfu á að fé fari ekki inn í bankanna nema ávöxtun þess sé trygg.

Lánasafn nýju bankanna afar lélegt

Er þetta nýja Ísland

Ríkisstjórnin ætlar að skapa 4000 ný störf m.a. við byggingu snjóflóðavarnagarða, við gróðursetningu, grisjun og fjölgun listamannalauna. Vandamálið er er einmitt þessi hugsun að ríkið skapi atvinnu. Nærtækara væri að ríkisstjórnin einbeitti sér að því að koma bönkunum í starfhæft ástand og lækka vexti. Atvinnulífið mun þá sjálft skapa störf, miklu líklegra er að störf sem þannig verða til séu til framtíðar.

Ætla að skapa 4000 ársverk